Culmeena

Qafar ummattaa kee tet ardi, Farangi ku-amol-ayyok wadirillah, sidiica baaxol kurrumteh raqte. Tohim:-

• Itoobboya
• Eretriya
• Jabuuti

Eretriyaa kee Jabuuti namma Farangi baxsitte baaxo kinni waqdi, Itoobboyah tu gactek, Qafar kee Qafar baaxo affara xiinissoh rakaakat kuram kurteh.

• Harara
• Shawa
• Wollo
• Tigraaya

Qafar madqa, sittâ fan gacissi heenih, Qafar madqa akak axcuk affeysaanam faxxinte.

Elle muden Baaxo

Gaaboyso (Sanat 2000-2006)

Ta madqooqi gabat leh yan marak, kutbeh gaaboysaanam faxximte. Too gaaboysoy namma gurral tekke, meqe malcina liggida beyte.

Woo gaabooyso rasitte fan gexak gaaboysimtem kee Samara magaalâ fan baahak esserik-gacsal gaabowtem tekke.

Qafar Madqooqih Kinmaane kee Weeloola

1. Naharsi weelo: Qafar madqooqi elle tamiixige, baatileyna, abbixekal, axeekal, digaaltu duddaamih duddo.
2. Nammayheele weelo: Uson elle yamixxigeeni abitto gorcii kee garci baxisak digaaltaama.
3. Sidocheele weelo: galelway digaaltaama.
4. Fereeyheele weelo: inkih tan kedo essertimtaamih tiya.

Qafar Madqak Mablö Qexsaya

1. Fiiruk: Waytó xayyowta
2. Nammeyhaak: Wayto bahtem loyna faxe waa num tekkek caxah muggaaqisan.
3. Sidoc haak: Xayyowte waytoh caxá muggaqsimta
4. Ferey haak: Woo caxah ayroo kee arac muggaqsima

Digaalá

Qafar madqooqil, num qideenik biilu yakke. Biili, niqnal elle canel anfiddigek, xabbacowoheh meklal anfidigge yakke.

Bilu

Qafar num Qafar numih gabat rabe kaa tekkek, num qidde kedo MEGLÖ may abta áwya le.

Madqooqî Xaagu Kak Aben Kaslê

1. Burqili Madqah

• Gifta Yaasiin Macammad Acaw
• Qiise Qabdulkaadir Cammadu
• Qali Acaw Qali

2. Buxxutö Baxih Madqah

• Gifta Canfaxe Qasawkaytu
• Macammad Qabdu
• Qali Yuusuf Acaw